កម្លាំងសមត្ថកិច្ចខេត្តកំពង់ឆ្នាំង ចុះបង្ក្រាបទីតាំងមួយកន្លែង សង្ស័យបង្រៀនកម្ចីអនឡាញ​ ឃាត់ខ្លួនមនុស្សចំនួន​ ២៤នាក់​ មានជនបរទរស​ ២៣នាក់​ និងខ្មែរម្នាក់

កំពង់ឆ្នាំង៖​ កា លពីថ្ងៃទី២៣ ខែឧសភា ឆ្នាំ២០២៥នេះកម្លាំងសមត្ថកិច្ចខេត្តកំពង់ឆ្នាំង  បានចុះបង្ក្រាបទីតាំងមួយកន្លែង ដែលកំពុងធ្វើការបង្រៀនលួចលាក់ ប្រព័ន្ធបច្ចេកវិទ្យា (សង្ស័យកម្ចីអនឡាញ) ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង។

នៅក្នុងប្រតិបត្តិការនេះ កម្លាំងសមត្ថកិច្ច បានឃាត់ខ្លួនមនុស្ស ចំនួន​ ២៤នាក់ ក្នុងនោះមានជនជាតិវៀតណាម ២១នាក់ ចិន​ ២នាក់ និងខ្មែរ១នាក់។

មន្ត្រីនគរបាលខេត្តកំពង់ឆ្នាំងនៅមិនទាន់អាចបញ្ជាក់ឲ្យបានច្បាស់នៅឡើយទេ ពាក់ព័ន្ធនឹងករណីនេះ ប៉ុន្តែប្រភពពីសមត្ថកិច្ចដែលស្ថិតក្នុងប្រតិបត្តិការនេះ បានឲ្យដឹងថា ការចុះបង្ក្រាបទីតាំងនេះ ដោយសារតែមានការលួចលាក់បើកបង្រៀនដល់បុគ្គលិកជាច្រ់ននាក់ លើប្រព័ន្ធបច្ចេកវិទ្យា (កម្ចីអនឡាញ )។

ទោះជាយ៉ាងណា បច្ចុប្បន្នជនសរសៃទាំងអស់នេះត្រូវបានសមត្ថកិច្ចកំពុងធ្វើការសាកសួរយកចម្លើយ ដើម្បីអនុវត្តទៅតាមនិតិវិធីផងដែរ៕