លោក តេង គឹមស៊ាន អញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលស្រុក ប្រចាំខែឧសភា ឆ្នាំ២០២៥

 

 (បាត់ដំបង)រសៀលថ្ងៃសុក្រ ១២រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៣ ខែឧសភា ឆ្នាំ២០២៥ លោក តេង គឹមស៊ាន អភិបាលនៃគណៈអភិបាលស្រុកថ្មគោល និងជាប្រធានគណៈបញ្ជាការឯកភាពរដ្ឋបាលស្រុកថ្មគោល  បានអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលស្រុកថ្មគោលប្រចាំខែឧសភា ឆ្នាំ២០២៥ ដែលមានការអញ្ជើញចូលរួមដោយលោក លោកស្រី អភិបាលរងស្រុក លោក លោកស្រី នាយករដ្ឋបាល នាយករងរដ្ឋបាល ប្រធាន អនុប្រធានការិយាល័យ អង្គភាពជុំវិញស្រុក កងកម្លាំងទាំងបី និងអ្នកពាក់ព័ន្ធផ្សេងទៀត ដែលកិច្ចប្រជុំនេះធ្វើឡើងនៅសាលាស្រុកថ្មគោល។