លោកឧត្ដមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យបានចាត់តាំងតំណាងនាំយកអំណោយនិងថវិកាជូនក្រុមគ្រួសារសពស្រ្តីស្លាប់ដោយសារគ្រោះថ្នាក់ចរាចរណ៍នៅស្រុកស្វាយចេក ដែលបន្សល់ទុក្ខកូនស្រីចំនួន៤នាក់
ខេត្តបន្ទាយមានជ័យ ៖ នៅព្រឹកថ្ងៃទី២៨ខែមករាឆ្នាំ២០២៤លោកឧត្ដមសេនីយ៍ត្រី វង្ស វិត ស្នងការរងផែនការងារធនធានមនុស្សតំណាងលោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យបាននាំយកអំណោយនិងថវិកាដេីម្បីជួយរំលេកទុក្ខក្រុមគ្រួសារសពស្រ្តីដែលស្លាប់ដោយសារគ្រោះថ្នាក់ចរាចរណ៍ដែលស្ថិតនៅភូមិផ្ចឹក ឃុំតាផូ ស្រុកស្វាយចេក ខេត្តបន្ទាយមានជ័យ។
អំណោយរួមមាន:១,អង្ករចំនួន៥០គីឡូក្រាម
២,ម្សៅទឹកដោះគោចំនួន៧កំប៉ុង,ដបទឹកដោះគោចំនួន៤,ខោទឹកនោមចំនួន២ដុំ,ទឹកសុទ្ធចំនួនមួយកេះនិងថវិការចំនួន៥០មុឺនរៀល.
ថ្លែងក្នុងឱកាសដ៏ក្រៀមក្រំនេះលោកឧត្តមសេនីយ៍ត្រី វង្ស វិត ស្នងការរងផែនការងារធនធានមនុស្សបានពាំនាំការផ្តាំផ្ញើពីសំណាក់ ឧត្តមសេនីយ៍ទោ សិទ្ធិ ឡោះស្នងការនគរបាល ខេត្តបន្ទាយមានជ័យ និងរូបលោកផ្ទាល់បានសម្ដែងនូវការរំលេកទុក្ខដ៏ក្រៀមក្រំជាមួយក្រុមគ្រួសារសពចំពោះការបាត់បង់ភរិយានិងម្ដាយជាទីគោរពស្រឡាញ់យ៉ាងជ្រាលជ្រៅដែលធ្លាប់ផ្ដល់ព្រហ្មវិហារធម៌ដ៏កក់ក្ដៅចំពោះក្រុមគ្រួសារកន្លងមក៕
គួរបញ្ជាក់ផងដែរថាស្ត្រីរ ស្ត្រីដែលបានជួបឧបភេទគ្រោះថ្នាក់ចរាចរណ៍ដ៏រន្ធត់កាលពីថ្ងៃទី ២៦ ខែមករា ឆ្នាំ ២០២៤ នោះមានឈ្មោះ សៃ បូរី អាយុ៣៧ឆ្នាំ រស់នៅភូមិផ្ចឹក ឃុំតាផូ ស្រុកស្វាយចេក-ប្តីឈោះ ម៉ុយ ម៉ុល់ អាយុ៣៨ឆ្នាំ រស់នៅភូមិផ្ចឹក ឃុំតាផូ ស្រុកស្វាយចេក មានកូន៤នាក់ ស្រីទាំងអស់ ហើយស្រី្តរងគ្រោះមានកូនភ្លោះ២នាក់ កើតទើបបាន១ខែកន្លះ។
Post a Comment