ផ្ទះប្រជាពល់រដ្ឋមួយខ្នងឆេះអស់ស្ទើទាំងស្រុងដោយសារឆ្លងចរន្តអគ្គិសនី

 

(បាត់ដំបង)ស្រុកថ្មគោលថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ០៨ ខែសីហា ឆ្នាំ២០២៥ វេលាម៉ោង ១៦:២០ នាទី មានករណីអគ្គិភ័យមួយកើតឡើង បណ្ដាលឱ្យឆេះផ្ទះចំនួន ០១ ខ្នង ទំហំ ៧ម × ៩ម ផ្ទះឈើលើថ្មក្រោម ជញ្ជាំងក្ដារ ដំបូលប្រក់ស័ង្កសី ខូចខាតទាំងស្រុង នៅចំណុចក្រុមទី១៧ ភូមិកៀនកែស២ ឃុំគោកឃ្មុំ ស្រុកថ្មគោល ខេត្តបាត់ដំបង របស់ម្ចាស់ផ្ទះឈ្មោះ ច្រេង ប៉ិត ភេទប្រុស អាយុ ៧៣ឆ្នាំ រស់នៅភូមិឃុំកើតហេតុខាងលើ ។

សម្ភារៈខូចខាតរួមមាន÷

- ផ្ទះចំនួន ០១ ខ្នង (ខូចខាតទាំងស្រុង)

- លុយបាតចំនួន ១២ ម៉ឺនបាត (ខូចខាតទាំងស្រុង)

- លុយដុល្លារចំនួន ៧៦០៥ ដុល្លារ (ខូចខាតទាំងស្រុង)

- សម្ភារៈប្រើប្រាស់ក្នុងផ្ទះ (ខូចខាតទាំងស្រុង)

-គិតជាទឹកប្រាក់ (មិនទាន់ដឹងច្បាស់) ។

ហេតុការណ៍ខាងលើមិនបណ្ដាលឱ្យរងគ្រោះថ្នាក់ដល់មនុស្សនិងសត្វទេ។

មូលហេតុ÷ ឆ្លងចរន្តអគ្គិសនី ។

 ភ្លាមៗនោះ ជំនាញស្រុកបានចេញរថយន្តពន្លត់អគ្គិភ័យស្រុកចំនួន ០១ គ្រឿង ប្រើប្រាស់ទឹកអស់ចំនួន ០១ ឡាន នឹងឡានដឹកទឹកតូចចំនួន ០២ ឡាន ។

          

.