សមត្ថកិច្ចបង្ក្រាបករណីដឹកជញ្ជូន ត្រីក្លាសសេប្រមាណជាង៤០តោន គ្មានលិខិតអនុញ្ញាតនាំចូល ច្បាស់លាស់(នាំចេញពីប្រទេសថៃ)
ខេត្តបាត់ដំបង÷ដោយបានការអនុញ្ញាតពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លលោកវរសេនីយ៍ឯកយី យក់សាន នាយការិយាល័យនគរបាលប្រឆាំងបទល្មេីសសេដ្ឋកិច្ចកាលពីថ្ងៃទី១១ ខែមិថុនាឆ្នាំ២០២៥វេលាម៉ោង១៥.០០នាទីបានដឹកនាំកម្លាំងពិនិត្យឃេីញរថយន្តសាំយ៉ុងចំនួន០៨គ្រឿងដឹកត្រីក្លាសេប្រភេទ(ត្រីពោនិងត្រីចាប)នាំចេញពីប្រទេសថៃ ចូលប្រទេសកម្ពុជា ក្នុងភូមិសាស្រ្តតាមផ្លូវជាតិលេខ៥ចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។
សមត្ថកិច្ចបញ្ជាក់ថាត្រីទាំងអស់មានចំនួន៤៣តោន ហើយសមត្ថកិច្ចបាននាំមកស្នងការដ្ឋាននគបាលខេត្តបាត់ដំបង ដើម្បីធ្វេីការសាកសួរ ហេីយលទ្ធផលនៃការសាកសួរបានដឹងថារថយន្តទាំង០៨គ្រឿងដែលដឹកត្រីនេះមានលិខិតអនុញ្ញាតឱ្យដឹកត្រីពីរដ្ឋបាលជលផលនៃក្រសួងកសិកម្មរុក្ខាប្រម៉ាញ់និងនេសាទចំនួនតែ១០តោនតែប៉ុណ្ណោះ! ដូច្នេះត្រីក្លាសេចំនួន១៤តោន ទៀតមិនមានការអនុញ្ញាតនោះទេ សង្ស័យមានតាស្រម៉ូម(ដុល្លា)តាមការពារ។
ស្របតាមអនុសាសន៍របស់ឯកឧត្តម កែវ សុជាតិ ព្រះរាជអាជ្ញាអមសាលាដំបូងខេត្តបាត់ដំបង រថយន្តនិងត្រីក្លាសេទាំងនេះសមត្ថកិច្ចបានបញ្ជូនទៅជំនាញជលផលនៃមន្ទីរកសិកម្មរុក្ខាប្រម៉ាញ់និងនេសាទដេីម្បីអនុវត្តបន្តតាមនីតិវិធី៎៕
Post a Comment