ឃាត់ខ្លួនអ្នកកាសែតចំនួន៨នាក់ នៅខេត្តមណ្ឌលគិរី តាមពាក្យបណ្តឹង
ខេត្តមណ្ឌលគិរី ៖ អ្នកកាសែតចល័ត២៥រាជធានី-ខេត្តចំនួន៨នាក់ ត្រូវបានសមត្ថកិច្ចខេត្តមណ្ឌលគិរីឃាត់ខ្លួនសួរនាំតាមពាក្យបណ្តឹងរបស់អ្នកភូមិ កាលពីល្ងាចថ្ងៃទី១៤ មីនា ២០២៤ នៅឯស្រុកកែវសីមា ក្រោយធ្វើសកម្មភាពប្រដេញរថយន្តកែច្នៃដឹកឈើមួយគ្រឿងចេញពីតំបន់ដែនជម្រកការពារសត្វព្រៃកែវសីមា ។
យោងតាមព័ត៌មានការផ្សាយព័ត៌មានក្នុងស្រុក នារសៀលថ្ងៃទី១៥ មីនា ២០២៤ ចាងហ្វាងគេហទំព័រម្នាក់ និងអ្នកយកព័ត៌មានចំនួន៧នាក់ នគរបាលកំពុងសាកសួរយកចម្លើយនៅឯស្នងការរដ្ឋាននគរបាលខេត្តមណ្ឌលគិរី ដោយគេមិនទាន់ដឹងថា ទទួលរងវាសនាបែបណានោះទេ ។
ប្រភពព័ត៌មានបន្តថា អ្នកកាសែតដែលត្រូវសមត្ថកិច្ចឃាត់ខ្លួនទាំងអស់ ត្រូវបានឃាត់ខ្លួនបន្ទាប់ពីមានអ្នកភូមិម្នាក់ឈ្មោះឆេង ស្រេង ភេទប្រុស អាយុ៤២ឆ្នាំ ជនជាតិខ្មែរ រស់នៅភូមិឆ្នែង ឃុំស្រែខ្ទុម ស្រុកកែវសីមា ប្តឹងទៅមេប៉ុស្តិ៍ឃុំស្រែព្រះ ស្រុកកែវសីមា ថា មានអ្នកកាសែតចំនួន៩នាក់ (ជាក់ស្តែងមាន៨នាក់) បង្គាប់ឲ្យបង់ប្រាក់ចំនួន៤៥ម៉ឺនរៀលដល់ពួកគេដែលបានជិះរថយន្តចំនួន៣គ្រឿង ដោយដោះដូរជាមួយការដឹកជញ្ជួនឈើក្តារសម្រាប់ធ្វើផ្ទះ ដែលខ្លួន( ឆេងស្រេង ) មានច្បាប់ជាលិខិតអនុញ្ញាតត្រឹមត្រូវ ។
ក្នុងលិខិតបណ្តឹងដដែលបានសរសេរថា «គំរាមទារប្រាក់ហើយអ្នកទទួលលុយពីខ្ញុំឈ្មោះហ៊ីង សុធា តាមរយៈគណនីABA»។ ក្រោយមានពាក្យបណ្តឹងនេះភ្លាមនគរបាលបានឃាត់ខ្លួនអ្នកកាសែតទាំង៨នាក់ទៅអធិការដ្ឋាននគរបាលស្រុកកែវសីមា រួចបញ្ជូនសាកសួរបន្តនៅស្នងការដ្ឋាននគរបាលខេត្ត ។
ប្រភពព័ត៌មានបានឲ្យដឹងថា អ្នកកាសែតដែលត្រូវឃាត់ខ្លួន ១-ឈ្មោះ ហ៊ីង សុធា ភេទប្រុស គេហទំព័រ អំណាចទាំងបួន www.FourPowers.com អាសយដ្ឋាន ក្រុងតាខ្មៅ ខេត្ត
កណ្តាល (មានបណ្ណសំគាល់ខ្លួនអ្នកសារព័ត៌មានចេញដោយក្រសួងព័ត៌មានឆ្នាំ២០២៤) ។
២-ឈ្មោះ រុំ សាន ភេទប្រុស អាយុ៤០ឆ្នាំ គេហទំព័រស៊ីស៊ីអិន ខេលី www.CCN Daily.com អាសយដ្ឋាន នៅខេត្តស្វាយរៀង (មានបណ្ណសំគាល់ខ្លួនអ្នកសារព័ត៌មានចេញដោយក្រសួងព័ត៌មាន ឆ្នាំ២០២៤) ។
៣-ឈ្មោះអេង សាន ភេទប្រុស អាយុ៤១ឆ្នាំ គេហទំព័រសេះសញ៉ូវ www.WhiteHorse-News.com អាសយដ្ឋាន រាជធានីភ្នំពេញ (បណ្ណសំគាល់ខ្លួនផុតសុពលភាព ) ។
៤-ឈ្មោះ ស៊ុន ម៉ាញ ភេទប្រុស អាយុ៣៣ឆ្នាំ គេហទំព័រសេះស www.WhiteHorse-News.com អាសយដ្ឋាន រាជធានីភ្នំពេញ (បណ្ណសំគាល់ខ្លួនផុតសុពលភាព ) ។
៥-ឈ្មោះ សន សារ៉ាត់ ភេទប្រុស អាយុ៤៣ឆ្នាំ ចាងហ្វាងគេហទំព័រសេះស www.WhiteHorse- News.com អាសយដ្ឋាន រាជធានីភ្នំពេញ (មានអាជ្ញាប័ណ្ណត្រឹមត្រូវ) ។
៦-ឈ្មោះ ហុង ឡង់ឌី ភេទស្រី អាយុ៣៨ឆ្នាំ គេហទំព័រសេះស www.WhiteHorse-News.com អាសយដ្ឋាន រាជធានីភ្នំពេញ (បណ្ណសំគាល់ខ្លួនផុតសុពលភាព ) www.WhiteHorse-News.com ។
៧-ឈ្មោះ នី ស្រីណែត ភេទស្រី អាយុ៣៥ឆ្នាំ គេហទំព័រសេះស អាសយដ្ឋានរាជធានីភ្នំពេញ (បណ្ណសំគាល់ខ្លួនផុតសុពលភាព ) ។
៨-ឈ្មោះឆេង បូព្រឹក ភេទប្រុស អាយុ២៤ឆ្នាំ គេហទំព័រសេះស www.WhiteHorse-News.com អាសយដ្ឋាន រាជធានីភ្នំពេញ (បណ្ណសំគាល់ខ្លួនផុតសុពលភាព ) ៕
Post a Comment