នគរបាលក្រុងប៉ោយប៉ែតឆ្មក់បង្រ្កាបក្មេងស្ទាវមួយក្រុមដែលជាមុខសញ្ញាលួចនឹងឆក់កាប់គ្នានៅក្នុងមូលដ្ឋានក្រុងប៉ោយប៉ែតយ៉ាងសកម្មដោយរឹបអូសបានថ្នាំញៀនមួយចំនួន...!
បន្ទាយមានជ័យ÷ថ្ងៃ ព្រហស្បតិ៍ ១០ រោច ខែ កត្តិកឆ្នាំថោះបញ្ចស័ក ព.ស២៥៦៧ ត្រូវនឹងថ្ងៃទី ០៧ ខែធ្នូ ឆ្នាំ២០២៣ វេលាម៉ោង ១១ និង ០០ នាទី ។
យោង តាមការចង្អុលបង្ហាញរបស់ លោក វរ:សេនីយ៍ឯក សៅ សារឿន អធិការនគរបាលក្រុង បានបញ្ជាឲ្យបង្រាប់ ករណីជួញដូរ និងប្រើប្រាស់ដោយខុសច្បាប់នូវសារធាតុញៀនមួយកន្លែង ក្រោយមកកម្លាំងនគរបាលក្រុងប៉ោយប៉ែត បានចុះទៅដល់កន្លែងខាងលើ នឹងបានឃាត់ខ្លួនជនសង្ស័យចំនួន ១៩ នាក់មានទីលំនៅភូមិគីឡូលេខ៤ សង្កាត់ផ្សារកណ្តាល រួមទាំង វត្ថុតាងចាប់យក: ១-ថ្នាំគ្រាប់ពណ៌ក្រហមចំនួន ៣៥ គ្រាប់ ។ ២-ម្សៅក្រាពណ៌សថ្លាចំនួន ១១ កញ្ចប់តូច។
៣-ដបកែច្នៃសម្រាប់ប្រើប្រាស់គ្រឿងញៀនចំនួន ០៥ ។
៤-បារីអេឡិចត្រូនិច(វេប) ចំនួន ០៥ ដើម។
៥-ដែកកេះកែច្នៃសម្រាប់ប្រើប្រាស់គ្រឿងញៀនចំនួន ០៧ ដើម។
៦-បំពង់កែវសម្រាប់ប្រើប្រាស់គ្រឿងញៀនចំនួន០២ ។
ជនសង្ស័យទាំង១៩នាក់ខាងលើជំនាញបានបញ្ជូនទៅការិយាល័យខេត្តបន្ទាយមានជ័យ តាមនីតិវិធី។ ជនសង្ស័យទាំងអស់នោះ ជាមុខសញ្ញាលួច ឆក់ និងកាប់ នៅក្នុងមូលដ្ឋានផងដែរ។
Post a Comment