កិច្ចប្រជុំ​ស្តីពី​ កិច្ច​សហការ​ និង​ វិធានការ​ ការពារ​ សន្តិសុខ​សណ្តាប់​ធ្នាប់​ សម្រាប់​ការពិនិត្យ​ បញ្ជីឈ្មោះ​ និងចុះឈ្មោះបោះឆ្នោត​ ខេត្តបន្ទាយមានជ័យ​

 

នៅព្រឹកថ្ងៃសុក្រ​ ៥រោចខែពិសាខឆ្នាំម្សាញ់​ សប្តស័ក​ ពុទ្ធសករាជ​២៥៦៩ត្រូវនឹងថ្ងៃទី​ ១៦ខែឧសភាឆ្នាំ២០០២៥​ នៅលេខាធិការដ្ឋានរៀបចំការបោះឆ្នោតខេត្តបន្ទាយមានជ័យបាន​  កោះអញ្ជើញអស់លោកលោកស្រីអភិបាលស្រុកក្រុងកងកម្លាំងប្រដាប់អាវុធតំណាងក្រុមប្រឹក្សាតំណាង មិនមែនរដ្ឋាភិបាលសហគមន៍តំណាងគណបក្សនយោបាយនិងមន្ត្រីគ.ជ.បខេត្តបានចូលរួមកិច្ចប្រជុំស្ដីពីកិច្ចសហការនិងវិធានការការពារសន្តិសុខសុវត្ថិភាពសណ្ដាប់ធ្នាប់សម្រាប់ការពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ​ ២០២៥​ ក្រោមអធិបតីភាពលោក​ ហុឹល​ រ៉ាយ៉ាអភិបាលរងខេត្ត។ លោក​ យ៉ង់​ សក្កិប្រធានលេខាធិការដ្ឋានរៀបចំការបោះឆ្នោតខេត្តបន្ទាយមានជ័យបានឲ្យដឹងថា​ កិច្ចប្រជុំថ្ងៃនេះគឺក្នុងគោលបំណងឲ្យដំណើរការនៃការពិនិត្យបញ្ជីឈ្មោះបោះឆ្នោត​ និងការចុះឈ្មោះបោះឆ្នោតនៅឆ្នាំ​ ២០២៥ប្រព្រឹត្តទៅដោយភាពរលូនប្រកបដោយសុវត្ថិភាពសណ្ដាប់ធ្នាប់របៀបរៀបរយទើបតម្រូវឲ្យអស់លោកលោកស្រីកងកម្លាំងមាន អាជ្ញាធរមូលដ្ឋាន​ បន្តកិច្ចសហការការពារបន្តទៀត។ លោក​ យ៉ង់​ សក្កិបានបន្តថា​ រយៈកាលកន្លងមកក្នុងដំណើរការចុះបញ្ជីឈ្មោះនៃការចុះឈ្មោះបោះឆ្នោតទាំង​  ៦៧ឃុំសង្កាត់នៅក្នុងខេត្តបានប្រព្រឹត្តទៅក្នុងបរិយាកាសល្អប្រសើរគ្មានការបំភិតបំភ័យ​ គ្មានការគំរាមកំហែងក្នុងរយៈពេលជាង​ ១៥ថ្ងៃ ការពិនិត្យបញ្ជីឈ្មោះចុះឈ្មោះបោះឆ្នោតចាប់ពីថ្ងៃទី១​ ដល់ថ្ងៃទី១៥ខែឧសភានេះបានទទួលលទ្ធផលបណ្ដោះអាសន្នទូទាំងខេត្តចំនួនអ្នកមានឈ្មោះបោះឆ្នោតជាផ្លូវការឆ្នាំ២០២៤ចំនួន​ ៤៤​ ៧៩៧៣នាក់​ ចុះឈ្មោះថ្មីចំនួន​ ៥៤២៨នាក់​ ផ្ទេរចូលពីក្រៅឃុំសង្កាត់ ១២៤០នាក់​ ប្ដូរការិយាល័យឃុំសង្កាត់ចំនួន​ ៨៤៦នាក់​ ចុះឈ្មោះថ្មីផ្ទេរចូលប្តូរការិយាល័យចំន៧៥១៤នាក់​ និងលុបឈ្មោះចេញពីបញ្ជីឈ្មោះបោះឆ្នោតស្លាប់​ ផ្ទេរសិទ្ធិ​ ផ្លាស់ចេញចំនួន១៧៥៤នាក់។ លោក​ ហុឹល​ រ៉ាយ៉ា​ អភិបាល​តងខេត្ត​ បានធ្វើការកោតសរសើរនិងវាយតម្លៃខ្ពស់ចំពោះមន្ត្រីគ.ជ.បខេត្តដែលបានខិតខំបំពេញភារៈកិច្ចរបស់ខ្លួនបានទទួលលទ្ធផលល្អប្រសើរណាស់សូមអរគុណចំពោះអាជ្ញាធរមូលដ្ឋានកងកម្លាំងសមត្ថកិច្ចដែលបានចូលរួមសហការគ្នាបានយ៉ាងល្អប្រសើរ​ និងសូមបន្តជំរុញដល់ភូមិឃុំសង្កាត់និងផ្សព្វផ្សាយបន្ថែមទៀតដល់ប្រជាពលរដ្ឋពិនិត្យបញ្ជីឈ្មោះ​ គ្រប់អាយុត្រូវចុះឈ្មោះបោះឆ្នោតជំរុញឲ្យគាត់មកធ្វើបច្ចុប្បន្នភាពទិន្នន័យនិងជីវៈមាត្រារបស់ខ្លួន។